PAK FJALË PËR BOTIMIN E KATËRT TË ADRESARIT

Me këtë libër publiku dhe të gjithë të interesuarit kanë në dorë botimin e katërt të Adresarit të Organizatave Joqeveritare që gjenden dhe zhvillojnë veprimtarinë e tyre në Shqipëri. 
Adresari është fryt i një pune të gjatë e kontaktesh të shumta me gjithë të interesuarit. Lexuesi duhet të jetë i ndërgjegjshëm se me ndryshimet e mëdha e të shpejta të realitetit shqiptar, nuk është e lehtë të mendosh se adresat, emrat e personave të kontaktit dhe telefonat e paraqitura këtu nuk do të ndryshojnë pas pak kohe. Është detyrë e përbashkët që të punojmë për një saktësi në rritje në shërbim të ndërtimit të urave lidhëse midis shoqatave, donatorëve me publikun dhe gjithë të interesuarve.  
Në përpjekje për të paraqitur sa më saktë materialin dhe për t'i ardhur në ndihmë lexuesit të gjerë sa më shpejt atë që dëshiron, në ndryshim nga adresarët e mëparshëm është bërë një radhitje në përputhje me fushat ku shoqatat ushtrojnë veprimtarinë e tyre.
Për të saktësuar e përfunduar këtë punë janë kontaktuar përfaqësues të shoqatave, aktivistë, forume dhe instanca të ndryshme që janë në një mënyrë a një tjetër të lidhur me jetën ë shoqatave.
Falenderojmë për kontributin e tyre gjithë organizatat joqeveritare dhe personat e kontaktuar që kanë vënë kohë dhe mund për të paraqitur saktë dhe shpejt informacionin. Duke pasur si qëllim kryesor për t'iu ardhur në ndihmë organizatave e gjithë atyre që interesohen për punën e shoqatave në Shqipëri, shpresojmë se me këtë adresar do t'u shërbehet më mirë atyre që kërkojnë të bashkëpunojnë dhe të përmirësojnë veprimtarinë e tyre.

 

---

E drejta e Autorit: Njoftim